Հայաստանը մասնակցել է Հանուն ժողովրդավարության գագաթաժողովի շրջանակներում կազմակերպված միջոցառմանը Հաագայում

29 մարտի, 2023

Մարտի 29-ին, Հանուն ժողովրդավարության գագաթաժողովի շրջանակներում, որը հյուրընկալում էր նաև Նիդերլանդները, դեսպան Տիգրան Բալայանը մասնակցեց «Democracy Drinks» միջոցառմանը, որի նպատակն է համախմբել ժողովրդավարության պաշտպաններին և ջատագովներին։

Դեսպանը միջոցառման մասնակիցների հետ քննարկել է վտանգի տակ գտնվող ժողովրդավարություններին պաշտպանելու հույժ կարևորությունը, ներկայացրել որպես ժողովրդավարություն Հայաստանի առաջ ծառացած մարտահրավերները և ժողովրդավարական բարեփոխումների օրակարգն առաջ մղելու Հայաստանի պատրաստակամությունը։ Դեսպանը ժողովրդավարական բարեփոխումների արդյունքների հստակ օրինակներ է նշել, մասնավորապես առանձնացնելով բարելավված դիրքերը համաշխարհային մի շարք վարկանշային ցուցակներում, ինչպիսիք են՝ «Freedom House»-ը, 2022թ․ մամուլի ազատության համաշխարհային ինդեքսը և «The Economist Intelligence Unit»-ը։

Ընդգծվել է, որ Հայաստանը հավատարիմ է մնում խաղաղության իր օրակարգին, որի առանցքում են մարդու իրավունքների պաշտպանությունը և ցեղասպանությունների, էթնիկ զտումների և այլ դաժան հանցագործությունների կանխումը։ Ներկաների հետ քննարկվել են նաև Արցախում և վերջինիս շուրջ տեղի ունեցող զարգացումները, ինչպես նաև Ադրբեջանի կողմից Լաչինի միջանցքի շրջափակումը և դրա հետևանքով առաջացած մարդասիրական ճգնաժամը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր